Монгол Улс газарзүйн заалтын системийг хөгжүүлж, эдийн засгийн боломжийг тэлэх зорилгоор чадавх бэхжүүлэх болон олон улсын хамтын ажиллагааг эрчимтэй өргөжүүлж байна.
2024 оны 9-р сард Улаанбаатар хотод зохион байгуулагдсан “Монголын хуш модны самар” ГЗЗ-ын нөөц бололцоог сайжруулах, чадавх бэхжүүлэх семинар нь энэ чиглэлд хийгдсэн чухал алхам байв. Уг арга хэмжээ нь,
- Газарзүйн заалтын бүртгэлийн үйл явц, шаардлагуудын талаарх мэдлэгийг дээшлүүлэх,
- Оролцогч талуудын ур чадвар, ойлголтыг нэмэгдүүлэх,
- Монгол Улсын Лиссабоны хэлэлцээрийн Женевийн протоколд нэгдэх үйл явцыг хэлэлцэх,
- Мөн орон нутгийн үйлдвэрлэгчдийг, ГЗЗ-ын системийг амжилттай хэрэгжүүлэхэд шаардлагатай арга хэрэгсэл, эрх зүйн ойлголтоор хангах зорилготой байв.
Эдгээр санаачилга нь зөвхөн “Монголын хуш модны самар”-ын ГЗЗ-ыг хамгаалахаас гадна, Монгол Улсын экологийн тэнцвэр, уламжлалт мэдлэг, хөдөө аж ахуйн экспортыг дэмжих, олон улсын түвшинд өрсөлдөх чадварыг нэмэгдүүлэх урт хугацааны үр нөлөөтэй юм.
Sourse: https://ipom.gov.mn/mn.php?page=40&news=1527